Sedat Berisha ka humbur Gjyqin me Vllazninë. Ish lojtari i shkodranëve kërkonte 3 paga të prapambetura, gjithashtu, edhe dëmshpërblim për prishjen e kontratës.
Bëhet fjalë për sezonin 2017-2018, me lojtarin që ishte pjesë e kësaj skuadre në gjysmën e dytë të sezonit dhe kësisoj, kërkonte pagat e muajit mars, prill dhe maj.
Berisha merrte 4.7 milionë, ndërkohë që shifra që synonte nga dëmshpërblimi është 23.5 milionë, e thënë ndryshe, Vllaznia mund të humbiste deri në 37 milionë lekë të vjetra. Kërkesa e bërë nga futbollisti është rrëzuar nga FIFA, me instancën e lartë të futbollit europian që ka marrë tanimë vendimin zyrtar.
