Ish-ministri i Drejtësisë, Ylli Manjani, përmes një postimi në rrjet ka ironizuar Presidentin Ilir Meta, por edhe botuesin e gazetës Koha Jonë, Nikoll Lesi, i cili ka shprehur qejfmbetje ndaj Kreut të Shtetit, për shkak të mos dekorimit të Koha Jonë me rastin e 30 vjetorit të themelimit.
Në një postim në rrjetet sociale, Manjani thotë se Presidenti ka dekoruar Vasil Laçin, dhe një nga kriteret për tu dekoruar është të kesh qëlluar mbi mbretërit.
Ironia e Manjanit
Nikollë!
Dekoratën e merituar të gazetës Koha Jonë e mori Vasili… Laçi dmth… pas vdekjes. Koha Jonë është akoma gjallë.
Po deshe dekoratë duhet ta kesh emrin Vasil Laçi dhe të kesh shti (qëlluar) mbi mbretin.
Gazeta Koha Jonë vetëm është qëlluar nga mbretërit.
Ndaj ska dekoratë.
Dje, botuesi Nikoll Lesi, në një shkrim tejet kritik me presidentin Ilir Meta ngrinte shqetësimin se pse mes dhjetra personaliteteve, mes tyre shefa kuzhine dhe këngëtarë tallavaje, nuk u dekorua gazeta “Koha Jonë”. Me rastin e 30-vjetorit, sipas Lesit, media që ai ka themeluar dhe drejton meriton vlerësim për rolin e pazëvendësueshëm që ka patur në shtypin shqiptar
