Kapiteni Erdenis Gurishta dhe sulmuesi Ardit Hoxhaj po konsiderojnë ofertat nga jashtë vendit. Pas një sezoni të shkëlqyer me shkodranët, mbylljes së sezonit me Kupën e Shqipërisë dhe nënkampionë të vendit, ofertat për yjet e ekipit nuk kanë munguar.
Janë pikërisht dy lojtarët më të spikatur në ekip si Gurishta dhe Hoxhaj që në deklaratat e fundit kanë pranuar se dëshirojnë të provojnë një kampionat më të fortë jashtë Shqipërisë. “Po shqytoj ofertat nga jashtë vendit edhe pse dëshira është të qëndroj”, tha mes të tjerash Gurishta.
Nga ana tjetër, Hoxhaj ka qenë i shumëkërkuar edhe gjatë merkatos së janarit, me Vllazninë që refuzoi ofertat nga kampionati turk. Vlonjati qëndroi në Shkodër duke hequr dorë nga 250 mijë euro në dy sezone.
