Arsene Wenger nuk ka dyshime dhe e sheh Francën si favoriten e madhe për fitimin e Euro 2020. Ish-tekniku legjendar i Arsenalit, flet në beIN Sports rreth katër skuadrave kandidatë për triumfin finale në kompeticionin që do të nisë më 11 qershor.
“Franca është super favoritja e Euro 2020 për shumë arsye. Në rashë të parë prej faktit që janë kampionë në fuqi të botës, ata triumfuan bindshëm në Rusi. Ata kanë një skuadër të re në moshë, që nuk e ka arritur akoma kulmin.
Unë mendoj se janë favoritë absolutë për fitimin e Euro 2020. E imagjinoni të keni në sulm emra si Benzema, Mbappe, Griezmann apo Coman e të tjerë? Kanë një potencial të jashtëzakonshëm në sulm, edhe stoli është i jashtëzakonshëm.
Zgjedh edhe Belgjikën e Anglinë mes kandidatëve për trofeun, por edhe Holanda mund të ketë një mundësi. Por le të jemi të qartë, Franca mbetet në vendin e parë në këtë listë“, thekson ish-trajneri i njohur francez.
