KAS rrëzon kërkesën e PD për pavlefshmërinë e zgjedhjeve në qarkun e Fierit.
Partia Demokratike kërkon shpalljen të pavlefshme te zgjedhjeve në qarkun e Fierit dhe ripërsëritjen e tyre, por KAS rrëzoi kërkesën me shumicë votash.
Më herët gjatë ditës, KAS rrëzoi edhe kërkesat për pavlefshmëri të zgjedhjeve në qarqet Korçë dhe Elbasan.
Ndër të tjera, përfaqësuesi i PD në KAS Marash Logu akuzoi drejtorin e burgut të Fierit, Arjan Hasani, që sipas tij u ka kërkuar drejtuesve dhe të burgosurve që të votojnë për Gramoz Ruçin, kandidatin numër 10 në listën e PS-së.
KAS ka rrëzuar të gjitha ankimet e ngjashme të PD dhe LSI për pavlefshmëri zgjedhjesh në disa qarqe të vendit.
Beteja ndërkohë po vijon dhe në Kolegjin Zgjedhor, ku po shqyrtohet këtë të Hënë ankimi i PD për qarkun Gjirokastër. Partia Demokratike kërkon shpalljen e pavlefshmërisë së zgjedhjeve në këtë qark.
