Teuta u shpall kampione e Shqipërisë. Mbretëresha u rikthye në fron pas 27 vitesh, teka ka siguruar pjesëmarrjen në fazën kualifikuese të Champions League. Veç prestigjit, te Teuta kanë mbushur edhe arkat e klubit pasi kanë siguruar qysh tani afro 1.2 milion euro.
Të ardhurat do vijnë nga FSHF dhe UEFA, që shpërblejnë klubin durrsak për arritjen. Afro 90 mijë euro durrsakët do marrin nga FSHF për titullin, ndërsa 70 mijë të tjera nga e drejta televizive.
Plot 260 mijë euro fond nga UEFA për titullin kampion, ndërsa 280 mijë euro për pjesëmarrjen në turin e parë kualifikues. 450 mijë euro Teuta do I sigurojë nga pjesëmarrja në Conference League në turin e dytë, në rast të eleminimit nga Champions. Me 1.2 milion euro të sigurta, duket se Teuta do afrojë futbollist cilësor për sezonin e ri.
