E pëson keq 28-vjeçari Cedric Moore Jr nga Misuri, i cili qëlloi me grusht një 12-vjeçar në rrugë. Mësohet se një gjykatë në Misuri e ka dënuar të riun me 7 vite burg.
Ngjarja e ndodhur është filmuar nga të pranishëm, ku shihet 28-vjeçari duke zbritur nga një fuoristradë e zezë në qendër të qytetit, ku ka goditur pabesisht me grusht të miturin i cili po kërcente në trotuar pranë mësuesit të tij.
I mituri përfundoi me tronditje dhe hundë të përgjakur. Videoja e cila u bë virale nxiti mbledhjen e gati 17 000 dollarëve për studion e vallëzimit, si dhe çdo shpenzim mjekësor që rezultoi nga sulmi.
