Ish-konkurrenti i Për’puthen, Eri Aga, ishte i ftuar së fundmi në emisionin “N’Kosovë show”, së bashku me Deyzoh dhe Sardin, dy djemtë me të cilët ka bashkëpunuar për këngën e tij të parë.
Në program gjithashtu e ftuar ishte edhe këngëtarja Shota Baraliu. Mirëpo kjo fundit ‘ndezi’ dhe gjakrat në studio teksa deklaroi se një nga djemtë në studio e ka ngacmuar në rrjete sociale. Ndonëse ajo nuk tha emër, një nga djemtë në prapaskenë iu sul Erit të “Përputhen”, duke shkaktuar sherr të madh.
Mirëpo situata degradoi pasi Eri e priti shumë keq këtë akuzë duke pasur parasysh edhe tipin e tij impulsiv. U desh ndërhyrja e djemve të tjerë që situata të qetësohej teksa Eri u pa shumë i nxehur.
Më pas moderatori i tregoi ish-konkurrentit se e gjitha ishte kamerë e fshehtë duke shkaktuar të qeshura.
