Vllaznia fitoi sot Kupën e Shqipërisë ndaj Skënderbeut, rival që e mposhti 1-0 në finale. Donatori i Vllaznisë. Alban Xhaferi nuk e fsheh entuziazmin në prononcimin për mediat, ku ndër të tjera tha:
“Kjo është Vllaznia e mrekullive. Mbaj vend që para një viti luajtëm me Besëlidhjen për të qëndruar në Superiore. Pas një viti marrim Kupën e Shqipërisë. Kjo është Vllaznia e mrekullive në të gjithë aspektet, me lojë, me nivel, me të gjitha. Nuk ka më mirë, faleminderit Zotit për çfarë kemi arritur.
Vitin tjetër për kampion? Absolutisht, Vllaznia është një emër i madh dhe gjithmonë do të luftojë për të ecur drejt niveleve më të larta, por ne kemi ambicie për të ecur edhe në Kupat e Europës.
Kupën ua dedikoj të gjithë tifozëve. Na kanë munguar dhe shpresoj të rikthehen, nuk ka kuptim futbolli pa ta. Ua dedikoj edhe gjithë atyre që më kanë mbështetur dhe besoj se kemi arritur maksimumin. Faleminderit të gjithëve.
Stafi teknik? Po festojmë, por nesër kemi punë shumë. Nëse është e shkruar, unë do të bëhem presidenti i Vllaznisë. Në dorë të Zotit, nuk ka gjë që do e ndalë. Brdaric? Besoj se është i konfirmuar, janë vetëm disa procedura, ecim përpara“, deklaroi Xhaferi.
