Kthimi i shumë qytetarëve nga zonat bregdetare dhe turistike drejt Tiranës ka shkaktuar radhë të gjata trafiku.
Nga burime në terren thuhet se trafik kilometrik është shënuar në këto momente në hyrjet e Tiranës në pjesën e autostradës nga Durrësi dhe në hyrjen nga juglindja pranë TEG.
Edhe policia e shtetit pranon në një njoftim të saj se hyrja për në Tiranë nga aksi Elbasan-Tiranë dhe Durrës -Tiranë ka fluks të shtuar.
Shërbimet e Policisë Rrugore po përpiqen të orientojnë trafikun, por duhet më shumë se 1 orë për të hyrë në Tiranë. Mësohet se një trafik të rënduar ka edhe në rrugën e veriut që të çon drejt Morinës për shkak të kthimit të pushuesve nga Kosova.
