Stivi Frashëri ishte një nga portierët më të mirë të Kategorisë Superiore. Portieri u shpall pak ditë më parë kampion me Teutën, ndërsa në 36 javë të luajtura pësoi vetëm 16 gola, ndërsa e mbajti portën e paprekur në 22 ndeshje.
Statistika shumë të mirë nga Frashëri, por që nuk është preferuar në Kombëtare me Rejan që grumbulloi Harizajn, portierin e Apolonisë dhe Sherrin, portierin e Laçit. Përmes një postimi në rrjetet sociale, Frashëri ka “thumbur” stafin e Kombëtares duke thënë se sot diferencën e bën miku dhe jo statistikat.
“Statistika të mira. E kujt i bëhet vonë, sot diferencën e bën miku”, shkruan Frashëri në postimin e tij teksa në foto janë edhe statistikat e gardianit të portës së Teutës për këtë sezon.
