Një aksident ka ndodhur në aksin Mamurras-Laç, ndërsa ka humbur jetën drejtuesi i një motori. Mësohet se viktima është identifikuar si Besim Seli, rreth 45 vjeç.
Nga raportimet mësohet se aksidenti ka ndodhur në një rrugë dytësore ku motori është goditur nga një mjet tip Benz.
Pas aksidentit, drejtuesi i automjetit, i identifikuar si A.V, është larguar nga vendi i ngjarjes.
Njoftimi i policisë:
Më datë 30.05.2021, rreth orës 08:30 në rrugën dytësore Laç-Mamurras, në fshatin Gjormë, automjeti tip “Benz” me drejtues shtetasin A.V.,ka aksidentuar një motoçikletë me drejtues shtetasin B.S.,rreth 45 vjeç, banues në Gjormë, Kurbin, i cili për pasojë ka gjetur vdekjen.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes si dhe nga ana e Policisë po punohet për kapjen e drejtues të mjetit ,i cili është larguar nga vendngjarja.
