Barcelona është në prag të një revolucioni dhe disa prej senatorëve mund të largohen. Në listën e të paprekurve ka edhe senatorë që do largohen dhe tre prej tyre kanë oferta konkrete.
AS raporton se Jordi Alba ka një ofertë në tavolinë nga Atletico Madrid dhe mund të ndjekë rrugën e Luis Suarez. Gjithashtu edhe Sergio Busquets mund të largohet në verë për të ulur nivelin e pagave dhe në rast se Barcelona e lë të largohet falas, Bayern Munchen është gati ta rrëmbejë.
Griezmann është gjithashtu lojtar në shitje dhe PSG është i interesuar, por gjithçka varet nga e ardhmja e Mbappe. Sergi Roberto nuk është më titullar dhe është i zhgënjyer. Barcelona e ka nxjerrë në shitje dhe ofertat për të janë nga të gjitha anët.
