Trajneri i Teutës, Edi Martini ka folur për fundin e sezonit në Kategorinë Superiore ku skuadra durrsake fitoi titullin kampion.
Gjatë një interviste për emisionin “Fair Play” të moderuar nga gazetarja Ekeleida Zeko, trajneri i skuadrës kampione ka sulmuar, Olsi Ramën. Prej shumë ditësh Drejtori Sportiv i Partizanit pretendon se Partizanit iu mohua titulli për shkak të penalltisë të bujshme kundër Vllaznisë.
“Më bën përshtypje pretendimet e Drejtorit të Partizanit, Olsi Ramës që ankohet për një penallti. Unë them më mirë mos flasim për këtë pasi po t’i kthehemi kohës gjejmë sa të duash episode të dyshimta që kanë favorizuar Partizanin. Nuk duhet të kapet pas asaj penalltie pasi kampionati ishte i gjatë dhe Teuta e meritoi titullin kampion. Partizani nuk e ka merituar këtë kampionat, ju e dini shumë mirë. Ju them me bindje që Teutën askush nuk e ka toleruar asnjë pikë, kurse Partizanin po. Shkon haku tek i zoti”, u shpreh Martini per SYRI TV.
