Eric Garcia e ka lënë Manchester Cityn mbrëmjen e djeshme pas humbjes së finales dhe mediet katalanase bëjnë me dije se spanjolli ka fluturuar sot në Barcelonë.
Ai mëngjesin e nesërm do të kryejë vizitat mjekësore dhe më pas prezantimi do të bëhet të martën, duke zyrtarizuar rikthimin te klubi ku nisi të luajë për herë të parë.
Kujtojmë se 20 vjeçari vjen te Barcelona me parametra zero, pasi nuk pranoi të rinovojë kontratën me Manchester Cityn.
Zyrtarizimi në rrjetet sociale bëhet nesër dhe pritet të jetë bashkë me Kun Aguero, që gjithashtu ka zbarkuar në Spanjë.
