Humb jetën si pasojë e djegieve që kishte pësuar punëtori i fabrikës së tullave, e cila u përfshi nga flakët ditën e djeshme.
Nga raportimet mësohet se 57-vjeçari B.B humbi jetën mëngjesin e sotëm në spital.
Fabrika e tullave, e vendosur në zonën e Maminasit, u përfshi nga flakët, në ditën e parë të punës së saj.
“Specialistët për Krimet në Komisariatin e Policisë Shijak kanë arrestuar në flagrancë shtetasin B.Z., 67 vjeç, banues në Tiranë, me detyrë përgjegjës teknik në fabrikën e tullave në Maminas, pasi nga zjarri i rënë ditën e djeshme në këtë fabrikë, si pasojë e mos respektimit të rregullave të mbrojtjes në punë u lëndua nga zjarri shtetasi B.B., 57 vjeç, banues në Tiranë, i cili ndërroi jetë mëngjesin e sotëm në QSUT Tiranë”, njoftoi policia.
