Duke nisur që nga ora 04:00 e mëngjesit 7 furgonë të RENEA dhe FNSH kanë nisur një operacion të madh në zonën e Niklës në Fushë Krujë. Operacioni është shtrirë në disa fshatra, ku janë zbuluar parcela të mbjella me kanabis.
Pamjet e mëposhtme tregojnë grumbuj kanabis të prerë duke u djegur. Sipas banorëve sasia e sekuestruar ka qenë aq e madhe sa që djegia ende po vazhdon.
Policia e Shtetit njoftoi se njëkohësisht ka bërë shoqërimin e shumë personave.
Përveç parcelave po vazhdojnë kontrollet edhe nëpër magazina, ndërsa raportohet se deri më tani janë sekuestruar shumë kubikë dhe fidanë kanabisi.
