Lefter Maliqi, i cili kandidoi për deputet në Qarkun e Beratit si pjesë e listave të LSI, ka reaguar në rrjetet sociale lidhur me vendimin e Komisionit Hetimor parlamentar për shkarkimin e Ilir Metës nga posti i Presidentit.
Maliqi shkruan se Ilir Meta dhe Sali Berisha mbeten dy makthet e Edi Ramës, i cili sheh vizione ditën për diell.
“Lufta personale e tij me Metën e Berishën dhe paniku e frika ndaj tyre, e detyroi të lobojë për Berishën non grata dhe të luftojë Metën për ta shkarkuar me çdo kusht. Të dy këto hakmarrje primitive janë fllucka sapuni para fundit dhe ferrit që e pret Ramën.
Me çdo frymëmarrje të tij përpiqet të largojë vëmendjen nga masakra elektorale e 25 prillit, blerjet masive të votave, manipulimet, presionet me banda, oligarkë e me mbështetje të policisë dhe drejtësisë, vegla në duart e Edmakthit”, shkruan Maliqi.
