Skënderbeu dhe Vllaznia përballen të hënën në “Air Albania”, teksa do të diskutojnë finalen e Kupës së Shqipërisë.
Ky takim do të zhvillohet pa tifozë për shkak të Covid-19, ndërsa tifozët korçar i bëjnë thirrje qeverisë dhe Komitetit teknik për hapjen e stadiumit. “Ujqërit e Dëborës” shprehen se në sfidat e fundit të Partizanit ka pasur tifozë, teksa tregojnë se ndeshjet gjithsesi ndiqet nëpër lokale në prezencë të shtuar njerëzish.
Mesazhi:
Ujqërit e Dëborës i bëjnë thirrje Qeverisë dhe Komitetit Teknik të na lejojë të shkojmë në stadium ditën e hënë. Ne jemi COVIDI? Tifozët dolën që janë Covidi. Të paktën kshu kuptuam kur u vendos që të hapet gjithҫka, dhe ne Ujqërit e Dëborës nuk mund të jemi në stadium për finalen e shumëpritur ndaj Vllazninë.
Ndërkohë që të gjithë finalet në Europë, edhe Champions League sot, do luhet me tifozë, vetëm në Shqipëri tifozët qenkan Covidi deri më 30 Qershor, ndërkohë që në 1 korrik kur nuk ka kampionate lejohen. Pse talleni me tifozët dhe një qytet të tërë? Pse lejohen 1 mijë tifozë në ndeshjet e Partizanit? E pamë ndaj Tiranës dhe ndaj Vllaznisë?
Pse ne të tjerët nuk na lejohet të jemi në stadium? Ka Komiteti Teknik diҫka me Korҫën? I bëjmë thirrje Qeverisë dhe Komitetit Teknik të na lejojë të shkojmë në stadium ditën e hënë. Nuk jemi ne Covidi, nuk jemi kriminelë, nuk duam ta shikojmë ndeshjen në lokale me qindra persona por në stadium, ATY KU E KEMI VENDIN! UED 08.
