Dy fëmijë kanë përfunduar në spital me shenja helmimi. Dyshohet se të miturat nga Tirana janë helmuar nga ushqimi që kanë konsumuar në një restorant në Tushemisht, ku kishin shkuar në kuadër të një ekspedite mësimore.
“Rreth orës 16:55, në Spitalin e Pogradecit, janë paraqitur për ndihmë mjekësore shtetaset K.Sh. dhe Xh.S., 13 vjeçe, pjesëtare të një ekspedite mësimore nga Tirana, që dyshohet se mund të jenë helmuar duke drekuar në një lokal në fshatin Tushemisht. Vajzat aktualisht ndodhen jashtë rrezikut për jetën”, njoftoi policia.
Grupi hetimor po punon për sqarimin e plotë të rrethanave të ngjarjes, shtuan të njëjtat burime.
