FSHF ka bërë sot publike vendimet e Komisionit të Disiplinës, por gjesti antisportiv nga mbrojtësi i Vllaznisë, Mevlan Adili, në ndeshjen e fundit ndaj Laçit, nuk u mor parasysh. Në minutën e 88-të të takimit, Adili goditi me shkelm “sade” në këmbë nga mbrapa sulmuesin e Laçit, Prenga.
Arbitri Kridens Meta e ndëshkoi direkt me karton të kuq dhe në këto kushte ky rast duhej të shqyrtohej nga Disiplina. Të hënën luhet finalja Skënderbeu-Vllaznia dhe Adili ia i hedhur paq, por për këtë rast ka reaguar ekskluzivisht për “Panorama Sport” klubi i Skënderbeut.
“Kemi pritur Disiplinën për rastin e Adilit, por në vendimet e publikuara sot nuk kishte asnjë rresht. Si ka mundësi që Disiplina nuk e dënoi?! Është me rregullore që veprimi i bërë nga ky lojtar duhet të kalojë në komision. Nuk ka mundësi që ky rast të kalojë kështu. Lojtari ka bërë një gjest të dënueshëm vetëm tri ditë më parë, si mund të luajë në finale!?”.
