Policia e Sao Paulo ka arrestuar lojtarin e Ajax, David Neres. Lajmi është raportuar nga UOL Noticias dhe De Telegraaf në Holandë.
Sulmuesi është befasuar në 2 të natës teksa gjendje në një festë ilegale në qytetin e tij të origjinës. Lojtari ka shkelur rregullat anti-Covid që janë në fuqi në Brazil dhe që ndalojnë çdo grumbullim pas orës 21.
Në festë, siç lexohet, kanë qenë të pranishëm 124 persona, pjesa më e madhe e të cilëve pa maska.
Neres nuk ka qenë i vetmi futbollist profesionist i pranishëm në festë. Në fakt, është “kapur” edhe Robert Arboleda, lojtar i Sao Paulo. Të dy i shtohen listës së profesionistëve të topit që kohët e fundit janë kapur në shkelje të rregullave.
I fundit, pikërisht në Brazil, ka qenë ish-ylli i Inter-it, Gabriel Barbosa, i cili është arrestuar për një episod të ngjashëm. Pasi është shpallur fajtor, lojtari brazilian është dënuar të paguajë një shifër rreth 17 mijë euro.
