Fillimisht i planifikuar për në Argjentinë dhe Kolumbi, Copa America që do të zhvillohet më 13 qershor deri më 10 korrik nuk do të anulohet siç u aludua por mund të zhvillohet pjesërisht në Kili.
CONMEBOL do të vendosë javën e ardhshme se kush do të presë Copa America nga 13 qershori dhe Kili mund të bashkohet me Argjentinën si bashkë-organizatorë, tha të enjten Konfederata e Futbollit e Amerikës së Jugut (CONMEBOL).
Eventi homolog i Europianit për zonën latine, Kupa e Amerikës do të mbahej në dy vende në Kolumbi dhe Argjentinë, por CONMEBOL tërhoqi Kolumbinë javën e kaluar për shkak të trazirave të vazhdueshme në atë vend ndërsa kërkesa e shtyrjes nga autoritetet kolumbiane u refuzua nga organi kontinental.
“Ne folëm me Kilin, i cili mund të merrte ndeshjet e programuara nga Kolumbia,” tha Gonzalo Belloso, sekretari i përgjithshëm i CONMEBOL.
Nga ana tjetër, Argjentina ka shprehur gatishmërinë të presë të gjithë eventin i vetëm por po përballet me një shpërthim të rasteve Covid-19 ndaj dhe situata nuk është shumë optimiste.Pandemia nga koronavirusi e shtyu eventin më të madh të futbollit latin vitin e kaluar pasi fillimisht ishte planifikuar për vitin 2020 ndaj dhe shanset për një anulim të dytë janë pothuajse zero.
