Në një intervistë ekskluzive për Çim Peka Live, Tod Ëood analist i Ëashington Post, ka dhënë variantin e tij pse ish-kryeministri Berisha u shpall non grata nga Departamenti Amerikan i Shtetit.
Ai tha se Berisha po demonizohet sepse ‘ai përfaqëson dikë që është pengesë. Çdo kush që kërkon liri, demokraci, liberalizëm, çdo gjë që përfaqëson të kundërtën e socializmit, modelit komunist, marksist, do të demonizohet.’
Wood: Ne drejtojmë një faqe rajonale lajmesh, para së gjithash jemi një kompani globale lajmesh por kemi shumë raportues në Evropën lindore dhe Shqipëria është një nga kombet në rajonin e Ballkanit që është edhe një rajon shumë bilateral, ndaj ne i fokusojmë përpjekjet tona atje sepse ndikon në të gjithë rajonin por edhe Evropën lindore në tërësi. Gjithashtu kemi të bëjmë me një komb që është mjaft i kontrolluar nga regjimi i Soros, ashtu sikurse Ukraina e të tjerat që ndikon në mënyrë direkte tek SHBA-të dhe tek pjesa tjetër e botës dhe kjo është arsyeja se përse fokusohemi këtu.
Peka: A ndikohet drejtpërdrejtë nga politikat e Amerikës, sepse po thoni që ndikohet edhe nga regjimi Soros? E keni bindje se Xhorxh Soros ka kaq ndikim në politikën e jashtme Amerikane?
Wood: Bota duhet të kuptojë se brenda disa muajve do të ketë (ndikim). Në SHBA ne patëm një grusht shteti në nëntor të vitit të kaluar dhe në këtë moment nuk kemi një qeveri legjitime. Kjo është pjesë e asaj të cilës ne e quajmë ‘reset të madh’ të botës dhe Xhorxh Soros është mjaft i përfshirë në këtë pjesë. Ne mendojmë se edhe Kina gjithashtu është e përfshirë përmes sulmeve kibernetike, vërtetë veprime lufte kundër SHBA-ve. Kjo na ka kushtuar atë që ne sot nuk kemi një qeveri të njerëzve, që nuk përfaqëson vullnetin e njerëzve, ndërsa DASH që është i fokusuar në zbatimin e agjendës së këtij regjimi është gjithashtu i kontrolluar nga Soros dhe të tjerët. Kjo është mjaft e dukshme edhe në Evropën Lindore dhe një krizë e vërtetë në Shtetet e Bashkuara e në botë dhe po, Soros është mjaft i përfshirë së bashku me organizatën e tij.
Peka: Z. Wood, ju po thoni se më 3 nëntor në SHBA kishte një grusht shteti. Në mënyrë të veçantë për Evropën jug-lindore është e paperceptueshme që në Amerikë të ndodh grusht shteti. Kemi një president i cili ka dal nga zgjedhjet e 3 nëntorit, dhe i përshëndetur nga të gjithë homologët botëror, global, edhe nga çdo kryetar shteti në Evropën jug-lindore. Pyetja e parë: Në Shqipëri, presidenti po kërkohet të shkarkohet sepse e konsideron regjim qeverinë e Edi Ramës, ndërsa një gazetar në Amerikë nuk e ka problem ta konsiderojë grusht shteti, 3 nëntorin e vitit të kaluar në SHBA. Si mund të jetë grusht shteti, gjithmonë duke iu referuar edhe krahasimisht Shqipërisë, kur një gazetar me kaq reputacion është kaq i lirë ta konsiderojë grusht shteti? Ju nuk keni as një penalitet?
Wood: Para së gjithash, qeveria e Ramës është mjaft e përfshirë në atë që po ndodh aktualisht dhe është e dukshme që ai është mjaft i ngushtë me Soros, ishte i pranishëm në dasmën e tij. Sa i përket presionit mbi gazetarët, ju duhet të kuptoni se shumica e mediave të korruptuarve apo të mëdha në SHBA por edhe në Evropë, funksionojnë njësoj. Është kthyer më tepër në një makineri propagande, njësoj sikurse Pravda sovjetike. Ka disa gazetarë të pavarur por ndaj tyre po ushtrohet presion. Regjimi i Biden po thotë se do t’iu vendoset nga pas, me mënyra të ndryshme, duke përdorur taksën e autoritetit etj… Pra në SHBA ka ende dy mendime të ndryshme. Për fat të keq njerëzit që janë sot në pushtet po përpiqen ti konsolidojnë këto fuqi sa më shpejt të jetë e mundur. Mendoj se bota duhet të shoh që 6 shtetet që i dhanë pushtetin Biden do ti nënshtrohen auditit, janë duke u audituar ligjërisht. Ky lajm nuk po transmetohet në botë por në javët në vijim ju do të shihni në mënyrë legjitime se numërimi në Arizona, Xhorxhia, Uiskonsin, në Pensilvani dhe disa shtete të tjera, pati manipulim në numërim dhe Biden nuk është një president legjitim. Pas kësaj ne do të hymë në një krizë kushtetuese që nuk e di se si do të përfundojë por ajo që mund të them është se kemi vërtet një krizë në këtë shtet.
Peka: Kur ju pretendoni se në Amerikë ka një krizë, imagjinoni se ku jemi ne në Evropën jug-lindore.
Wood: Të tregohem i sinqertë, si amerikan më vjen turp për këtë. Kam qenë një oficer ushtarak në forcat ajrore amerikane. Ka shumë ish-ushtarakë të cilët po përfshihen në korrigjimin e kësaj situate, po përpiqen të ndryshojnë ushtrinë tonë sa më shpejt të jetë e mundur, për ta kthyer në një organizatë kulturore marksiste. Ky ‘reset i madh’ global pas së cilës fshihet Kina, po përpiqet të kthejë republikën më të madhërishme në botë në një organizatë marksiste dhe ne nuk do ta lejojmë një gjë të tillë. Pra në këtë krizë jemi zhytur ne dhe normalisht që do të ketë ndikim në Evropën lindore, e kuptojmë këtë plotësisht, por duhet të sjellim rendin në shtëpinë tonë që të ndihmojmë botën të ecë përpara. Por Departamenti i Shtetit që po përfaqëson SHBA-të, ligjërisht nuk përfaqëson vullnetin e popullit amerikan por një organizatë globaliste.
Peka: Z. Woods, unë kam patur një intervistë para zgjedhjeve të 3 nëntorit me Steve Banon, edhe ai si ju mendonte se Partia Komuniste Kineze është një organizatë terroriste. Kina po ndikon në zgjedhjet në Amerikë. Ju po thoni se Joe Biden nuk është një president i zgjedhur, është i emëruar nga një regjim. Po thoni gjithashtu se Soros po drejton Departamentin e Shtetit. Gjithsesi këto janë konstatime që i bëni ju nga Amerika, ne nga Shqipëria nuk kemi as se si ti provojmë por edhe e kemi pak të vështirë ti marrim si të mirëqena. Të paktën në një gjë, faktori shqiptar bie i tëri dakord, ka uruar dhe njeh si president legjitim Joe Biden. Në gjykimin tuaj a mendoni se si ju gjykojnë shqiptarët kur bëni deklarata kaq të forta për SHBA? Kur them shqiptarët po them edhe popullata e Evropës jug-lindore.
Wood: Është e dukshme që qeveria e Ramës është e përfshirë më Soros, ashtu sikurse thashë, ka shkuar në dasmën e tij, DASH promovon regjimin socialist. Nuk kam njohuri për legjitimitetin e zgjedhjeve në Shqipëri, por mund të them se vetëm duke patur lidhje me Soros ngrehen shumë pikëpyetje për legjitimitetin e këtij regjimi. Sikurse thashë, në SHBA kemi një krizë të rëndë që do të venitet me kohën dhe brenda një apo dy vjetësh gjërat do të shkojnë në një mënyrë apo tjetrën. Por po, Kina është shumë e përfshirë. Steve Bannon është shumë i saktë, organizata kombëtare kriminale kineze, krimi i organizuar nëse doni ta quani, dhe shumë diktatorë apo qeveri malinje po rreshtohen me to për të përfituar pasuri për veten e tyre dhe jo për popullin. Pra ky është problemi dhe ne nuk duam që kjo të ndodh këtu në SHBA.
Peka: Gjithsesi kthehemi në Shqipëri sepse e kemi të vështirë të besojmë që Amerika është regjim. Në vitin 2019 ju keni shkruar që DASH as nuk e ka kritikuar bashkëpunimine dyshuar të qeverisë Rama me figura të krimit të organizuar.
Ka pasur një heshtje të çuditshme për polemikat dhe pyetja është pse. mund të jetë për shkak se departamenti në heshtje përkrah agjenden liberale të George Soros, legalizim të drogërave. Çfarë ju shtyn të sulmoni kaq fort George Soros?
Wood: E kam parë specifikisht në Ukrainë ku ka organizata kriminale të konsiderueshme. Soros ka një makineri në Ukrainë, edhe në Shqipëri por jo aq sa në Ukrainë, por në Ukrainë kemi një numër të madh OJF-sh që trajnojnë njerëzit brenda organizatave të Sorosit. Ata marrin shumë para nga SHBA-të, shumica e tyre janë pastrim parash, dhe më pas këta njerëz vendosen në poste pushteti në qeverinë e Ukrainës. Mund të them se e njëjta gjë ndodh në Shqipëri por jo me organizata me të tilla përmasa, djali i Soros përshembull, Aleks, kontrollon politikën e jashtme amerikane për vite të tëra në ballkan, duke u takuar me krerë të ndryshëm shtetesh dhe duke bërë marrëveshje pas kuintave. Është shumë e dukshme ajo që po ndodh dhe unë inkurajojë shikuesit e juaj që ti hedhin një sy auditit në Arizona dhe të hulumtojnë në internet për të kuptuar se çfarë po ndodh në SHBA.
Peka: Megjithatë ju keni shkruar për bashkëpunimin e Ramës me krimin e organizuar për të fituar zgjedhjet në vitin 2017. Ju pak më parë sapo thatë që nuk keni informacione se si u zhvilluan zgjedhjet, por për ne në Shqipëri është përsëritje identike e zgjedhjeve 2017. Unë e besoj që sot kemi një administratë Joe Biden që ka ndikim sipas jush nga George Soros. Deri në 2020 ishte Donald Trump. Si ka mundësi që edhe në këtë kohë ka pasur shumë ndikim, apo ka ndikuar në marrëdhëniet e qeverisë Rama me Departamentin e Shtetit?
Wood: Kjo është një pyetje shumë e mirë që njerëzit e bëjnë shpesh, jo vetëm Departamenti i Shtetit, por edhe ushtria, inteligjenca dhe qeveri në pjesë të ndryshme të Amerikës. Më lejoni t’iu them që nuk është vetëm Soros, por edhe Kina, Soros është thjesht një mundësues, një partner në atë që po përpiqet të bëjë Kina globalisht me diplomacinë e tyre, duke u përpjekur të kontrollojnë kombe. Por përtej dash, ajo që ju duhet të kuptoni është se Trump nuk pati kontroll të të gjitha qeverive teksa ai ishte president. Kishte shumë burokrat që u vendosën në poste pushteti rreth bordeve të administratës së Obamës për dy mandate. Këta njerëz kanë punuar në mënyrë aktive kundër Trump dhe për mua është e thjesht të them se Trump nuk pati kontroll në departamentin e shtetit, sidomos në Evropën Lindore dhe në Shqipëri ku Soros ka shumë pushtet. Thjesht hidhini një sy komenteve të ambasadorëve në tuiter gjatë viteve të fundit, ne ishim shumë të shqetësuar për këtë, ata u tallën me presidentin Trump kur supozohet të ishin përfaqësuesit e tij. Në mënyrë aktive kanë punuar kundër agjendës së administratës Trump. Dhurata që na bëri Trump është se ai na tregoi në amerikanëve, por edhe botës, se çfarë po ndodhte, maska u hoq, tashmë e dinim se çfarë bëjnë këta njerëz tani, gjë të cilën për dy dekada e bënin në heshtje. Tani duhet të përballemi me të ose jo, por ky është problemi që ne kemi këtu e që prek botën dhe Shqipërinë.
Peka: Edi Rama duket se ka siguruar një mandat të tretë për zhgënjimin e shumë njerëzve dhe në mënyrë të veçantë të opozitës. Opozita pretendon se manipulimi, blerja e votave, bashkëpunimi me krimin, ndryshimi i njëanshëm i Kushtetutës, bën të mundur fitoren e Ramës. edhe mëgjithatë Departamenti i Shtetit e uroi qeverinë Rama ende pa dalë rezultati përfundimtar. Pse e përkrah sipas jush qeveria amerikane, qeverinë Rama?
Wood: Qeveria amerikane aktualisht nuk është legjitime. Thënë ndryshe, ‘kanë hyrë në shtrat me Ramën, në këtë rajon të botës ai po mundëson politikën e tyre, këtë regjim kriminal që kemi në SHBA, pra natyrisht që do e mbështesin ata. Sikurse thashë, nuk e mbështesnin agjendën e Trump dhe për këtë ka shumë prova, për këtë kemi shkruar vazhdimisht, sidomos Donald Lu, ai nuk e mbështeste Trump. Ai ka mbështetur njerëz në Departamentin e Shtetit, në ambasadën në Shqipëri të cilët nuk promovojnë vullnetin e popullit amerikan, lexuesit tuaj duhet ta kuptojnë këtë gjë. Pra ne duhet të marrim kontrollin e vendit tonë, gjë që do të ndodhë por do të kërkojë pak kohë, por shqiptarët duhet të dinë që nëse ata e kundërshtojnë atë që po ndodh me këtë qeveri, ata duhet të përforcohen në numër, të organizohen dhe të punojnë kundër, ashtu sikurse njerëzit në Britani që më në fund kërkuan liri nga be që është një organizatë socialiste, edhe Shqipëria mund të bëjë të njëjtën gjë.
Peka: Donald Lu nuk e përkrahte presidentin Trump po thoni, por në dijeninë time ishte ambasadori i pestë pas Luftës së Dytë Botërore që ka shkuar nga ambasador në ambasador dhe kjo gjatë administratës Trump. Qe do të thotë se ishte shumë i privilegjuar nga administrata Trump.
Ëood: Do ta ripërsëris, Obama infiltroi shumicën e burokracisë tonë, por këto janë poste në të cilat nuk mund të pushohesh nga CEO, ka një proces të gjatë të cilin duhet të ndjekësh për punonjësit civil, ndaj është shumë e vështirë ti nxjerrësh këta njerëz jashtë zyre. Por ashtu sikurse e thashë, Trump nuk kishte kontroll mbi shumë qeveri, sidomos në Departamentin e Shtetit. Ka një organizatë të gjerë kundër Trump, Trump ishte një figurë e lëvizjes popullore amerikane që kërkon të rimarrë kontrollin e qeverisë nga kjo organizatë globaliste, një regjim që kërkon të ndërtojë një botë elitash, me njerëz që janë shërbyes të këtyre elitave. Në nuk e duam një gjë të tillë, ky nuk është financimi amerikan, Trump nuk e mbështeste ketë. Por këta njerëz nuk po punësonin plitikat e jashtme amerikane apo politikën e Trump, dhe ende nuk janë duke e bërë. Pra fakti që ata ekzistonin nën administratën Trump nuk do të thotë asgjë, ata nuk kishin mbështetjen e tij.
Peka: Z. Wood, autokratët kundër demokratëve, stabiliteti kundër demokracisë, a ka marrë fund demokracia liberale sipas jush dhe çfarë pritet tjetër?
Wood: Mbase po, SHBA ka qënë feneri i lirisë në botë për më shumë se 200 vjet, qindra miliona amerikanë që dëshirojnë që kjo të vijojë. Ka një minoritet të vogël që ka aktualisht kontrollin, ndaj sfida jonë është që të ndalojmë këtë regjim të punësojë politika prej të cilave ne nuk do të jemi më në gjendje të rekuperojmë. Ata po hapin kufijtë tanë, po shpenzojnë shumë për të shkatërruar monedhën tonë, po shkatërrojnë ushtrinë tonë dhe ne nuk do të lejojmë që kjo të ndodh. Pra mund të ndodh, por nuk e besoj se po dhe mendoj se brenda dy vjetësh do të shihni një Amerikë të fortë, të lirë dhe kjo do të jetë për të mirën e botës, në vende si Shqipëria e sërisht do të kthehemi në një vend për të cilin do të keni respekt dhe do të jeni krenar për të. Tani nuk jemi të tillë për fat të keq dhe si një amerikan më vjen turp që e them këtë.
Peka: Kush mendoni se është zgjidhja e Amerikës së fortë sipas jush. Është Donald Trump një alternativë?
Wood: Mund të jetë Trump, ndonëse nuk e ka ndarë mendjen ende, megjithatë, ashtu sikurse thash, Trump ishte imazh i asaj lëvizjeje dhe dhurata që Trump na bëri ishte se na tregoi se sa e korruptuar është qeveria jonë. Ne po mobilizohemi në të gjithë vendin në grupe të vogla dhe po rimarrim kontrollin e partisë konservatore nga themeli e sipër. Një problem tjetër është se një nga udhëheqësit tanë është i korruptuar gjithashtu, duke marrë para, duke marrë ryshfet dhe duke shantazhuar. Ndaj ne duhet të rimarrim kontrollin e partisë në nivel vendor, për ta filtruar më pas në ciklin e zgjedhjeve të ardhshme. Në të njëjtën kohë, ne duhet ti tregojmë botës atë që ka ndodhur me mashtrimin e 3 nëntorit, kjo nuk është një qeveri legjitime. Këtë do t’ia tregojmë edhe medias, mbase jo atyre të mëdha siç janë ABC, NBC, Bloomberg sepse ata përfitojnë para nga Kina, por mediat e pavarura do të tregojnë që rezultati i zgjedhjeve ishte mashtrim dhe ky nuk është një regjim legjitim dhe nuk përfaqëson vullnetin e popullit.
Peka: Mqns përmendim mediat, edhe Fox, ku jeni i ftuar si ekspert që kishte një krisje me Trump gjatë zgjedhjeve. Çfarë po ndodh me mediat në Amerikë?
Wood: Kjo është një tjetër temë shumë interesante sepse përgjatë dekadës së fundit globalistët kanë punuar fort për të nënvlerësuar mediat konservatore në SHBA. Përshembull, Rupert Murdoch, themelues i Fox Neës, është shumë i vjetër në moshë tani dhe drejtimin e kanë marrë fëmijët e tij, duke e transformuar totalisht organizatën. Fox Neës ishte e përfshirë në ‘grushtin e shtetit’, të paktën pjesërisht në nëntor, duke nxjerr rezultatet në Arizona para se të vinin fletët e votimit. Pra Fox Neës dhe disa grumbullues të mëdhenj si ‘drudge’ fatkeqësisht janë të bashkë-zgjedhur. Megjithatë, kjo i jep shumë mundësi medias së pavarur, si ajo e ‘cd media’, dhe ne po rritemi shpejt ndërkohë që njerëzit janë në kërkim të së vërtetës. Të gjitha mediat sociale janë kundër nesh, Facebook, Tëitter dhe njerëzit duhet të mos jenë më pjesë e tyre. Ata janë thjesht vëzhdues të këtij shteti globalist dhe të gjejnë mënyra të tjera të pavarura për të komunikuar dhe për tu lidhur me njerëzit, kjo është tejet e rëndësishme. Megjithatë, media amerikane do të rilind brenda disa viteve, kjo është e sigurtë.
Peka: Z. Wood ju po na thoni që duhet të prisni sa të çlirohet Amerika nga regjimi, e pastaj edhe Europa juglindore të shikojë dritë…
Wood: E thashë që kemi para nesh një rrugë të vështirë dhe po tregohem i sinqertë, këtë të vërtetë nuk do ta dëgjoni nga mediat e mëdha. Po them të vërtetën, për këtë kanë nevojë njerëzit, duhet të kuptosh realitetin përpara se të rregullosh problemin. Ajo që thashë është se Amerika do të rikthehet brenda dy vjetësh si një ‘fener lirie’ për botën. Megjithatë, këtu kemi një luftë, një qeveri të korruptuar, një regjim që nuk u zgjodh në mënyrë legjitime që po përpiqen që të shkatërrojnë vendin, njerëzit duhet ta kuptojnë këtë. Kur i sheh veprimet e Departamentit Amerikan të shtetit apo ato të ambasadës Amerikane në SHBA, duhet të arrish të kuptosh që ky nuk është vullneti i popullit amerikan, e kjo i jep shpresë shqiptarëve se ka njerëz pas tyre në SHBA. Por ne kemi problemet tona dhe kjo realisht është një lëvizje globale, shikoni atë që po ndodh në Mbretërinë e Bashkuar, lëvizjet që po nisin në Australi, në Zelandën e Re, në Indi. Ky është një ‘reset global’, komunizëm saktësisht, ka formë të tij, e që është planifikuar dhe zbatuar për dy dekada, me shumë aktorë të përfshirë në të. Ne duhet të përballemi me të, ta mposhtim atë, por kjo do të kërkojë kohë. Ne do të rikthehemi, por aktualisht kemi një problem.
Peka: Deri sa ju të ktheheshit ashtu siç ishte, a mos ndodashta edhe Ballkani do të kthehet ashti siç ishte që të mos ketë përplasje me Amerikën?
Wood: Kjo po ndodh aktualisht. Shiko se çfarë po ndodh në Tiranë! Ju keni oligarkë aty që po rrëzojnë ndërtesa që njerëzit nuk miratojnë. Kjo është pikërisht ajo për të cilën po flas, elita që imponojnë vullnetin e tyre mbi popullin, kështu ishte edhe komunizmi. Askush nuk besonte në të vërtetë në komunizëm gjatë kohës së luftës së ftohtë, ishte thjesht një mënyrë për elitat të fitonin pushtet, të zhvasnin popullin dhe të vidhnin paratë. Kjo po ndodh në Kinë dhe nuk është komunizëm por një shtet i sponsorizuar dhe kapitalizën i menaxhuar në një shtrirje të atillë ku ke një regjim tiran, që korr organet e popullit teksa janë ende gjallë, nëse ata janë të burgosur politik. Në këtë pikë ka arritur bota sot dhe nëse nuk e parandalojmë do të përballemi me mijëra vite errësirë, këtë po përpiqemi të bëjmë në Shtetet e Bashkuara, por edhe në botë. Ne mund ti bashkohemi popullit shqiptar për ta ndaluar këtë.
Wood: Nuk thashë që Kina është më e fortë se SHBA. Ajo që thashë është që ata na kanë sulmuar dhe ne kemi humbur një betejë por jo luftën. Ky ishte një sulm kibernetik kundër SHBA-ve, fatkeqësisht i mundësuar nga njerëzit brenda vendit tonë, kjo do të mposhtet. Në kuptimin ushtarak dhe ekonomik, ne jemi më një komb i fortë, por tani kemi humbur autoritetin tonë moral pasi kemi një regjim ilegjitim, duhet ta rindërtojmë këtë. Nuk besoj se njerëzit në Shqipëri duan të jetojnë sërisht në komunizëm, kjo është ajo që do të risjell Kina. Kina është një regjim tiran me mijëra myslimanë në kampe përqendrimi dhe shqiptarët mysliman duhet të jenë të vetëdijshëm për këtë. Ata po shfarosin një racë, detyrojnë abortimin, çojnë burrat në kampe dhe detyrojnë gratë të flenë me kinezë etnik, natyrisht që po flas për ujgurët. Ky nuk është një regjim i mirë dhe nëse kërkoni këtë në Shqipëri, do të jetoni një jetë shumë ndryshe nga ajo që ne po përpiqemi të rindërtojmë botën. Siç e thashë, kjo është një lëvizje globale dhe unë kam kaluar shumë kohë në Tiranë, në Shqipëri, shqiptarët janë treguar shumë të mirë me mua, e dua popullin dhe ne duhet ta luftojmë këtë të gjithë së bashku. Ndaj jo, nuk do të rekomandoja të ndiqnit modelin e kinës sepse kjo do të çonte në mjerim.
Peka: Kthehemi te çështja e fundit që është një lajm shumë i papritur. Sekretari Amerikan i Shtetit ka shpallur non grata ish-presidentin, ish-kryeministrin, dhe liderin e pluralizmit në Shqipëri, z. Berisha. A keni një koment ju për këtë ngjarje? A mund të lexohet si një mesazh i shpalljes non grata të pluralizmit në Shqipëri?
Wood: Kur kupton që ne kemi një regjim ilegjitim, vendimi merr kuptim perfekt. Ata nuk duan demokraci, nuk duan liri në Shqipëri, duan të kenë kontroll mbi të, duan të trafikojnë drogë, njerëz në vend. Pra pse duhet ata të mbështesin demokratët liberal? Kjo nuk do të kishte aspak kuptim. Natyrisht që do të përpiqen të bëjnë këtë, kjo është taktikë klasike sovjetike, ku thua se çdokush që të kundërshton ty është një spiun apo kriminel. Kjo po ndodh në SHBA, njerëzit që shkuan për të protestuar kundër regjimit në kryeqytetin tonë, janë ende në burgje në Ëashington D.C., njerëz që nuk kishin armë, asgjë, një prej tyre u ekzekutua. Pra ky është një regjim kriminal dhe nuk do të merrja asgje që thuhet prej tyre si përfaqësim i popullit amerikan. Nuk do të thoja që ato që kanë thënë për Berishën janë të vërteta, nuk e di të vërtetën e ‘background-it’ të tij, por mund të them se ky është një vendim politik.
Peka: Janosz Bugajski një njohës shumë i mirë i çështjeve të Ballkanit nga Shtetet e Bashkuara të Amerikës, shkruante se ky vendim do të lexohej si një vendim kundra shqiptarëve në Ballkan, sepse kemi kryeministra të dënuar si ish-kryeministrin kroat, maqedonas, presidenti serb të akuzuar dhe asnjëri prej tyre nuk është shpallur non grata. Zgjedhja e Berishës për të bërë këtë akt sipas Bugajskit duket si një vendim kundër shqiptarëve në rajon. Keni ju një koment për këtë?
Wood: Kjo është më tepër një çështje lokale, ka shumë pak të bëjë me çështjen e Serbisë dhe Shqipërisë sesa ka të bëjë me pushtetin dhe kontrolin e popullit ashtu sikurse ata duan, në mënyrë që ata të drejtojnë rrjetin e tyre të organizuar kriminal. Nga pastrimi i parave, tek trafiku i fëmijëve, trafiku i drogës, pra nuk e shoh si një çështje të Shqipërisë por më tepër një ‘lojë e pastër pushteti’ në mënyrë që të mbash pushtetin e regjimit që ata të punojnë së bashku në rajon. Kështu e shoh unë.
Peka: Dhe çfarë pengese mund të ishte Berisha për ata?
Wood: Nuk është por ai përfaqëson dikë që është pengesë. Çdo kush që kërkon liri, demokraci, liberalizëm, çdo gjë që përfaqëson të kundërtën e socializmit, modelit komunist, marksist, do të demonizohet. Po ndodh këtu dhe ne po luftojmë kundër tij gjerësisht. Por kjo është situata dhe nuk ka të bëjë aspak me personin, ka të bëjë me atë që ai përfaqëson, një kërcënim për ‘reset-in’ grobal për të cilën iu fola.
Peka: Z. Rama ka lënë të kuptojë në vitin 2018 se një dosje e tillë ishte përgatitur, ishte bërë gati nga ambasadori Donald Lu, por që ishte refuzuar nga sekretari Pompeu. A keni ju një informacion se kur ishte marrë ky vendim?
Wood: Nuk kam informacion për atë dosje të caktuar por merr kuptim të plotë. Trump nuk kishte kontroll mbi qeverinë por ishte i aftë të ndalonte disa gjëra që ishin dukshëm të korruptuara dhe jo në interes të popullit amerikan, por në interes të këtij krimi të organizuar për të cilën iu fola. Pra çdo vendim të marrë pas Trump duhet të shihet në atë prizëm, jo në bazë të interesit të popullit por të këtij regjimi.
