Policia e Tiranës ka zbardhur autorin e plagosjes së 19 vjeçarit, Reginaldo Kaçorri, ngjarje e ndodhur mesditën e sotme pranë ish-kompleksit Dinamo në kryeqytet.
Autori është identifikuar si Klajdi Kodra, 30 vjeç, nga Laçi.
Më herët drejtori I policisë së Tiranës, Rebani Jaupaj, tha se ngjarja kishte nisur pas një konflikti të çastit në lokal.
Ndërsa i plagosuri ndodhet në spitalin e Traumës ku ka marrë një plumb në bark.
“Është plagosur një i ri dhe ndodhet në Spitalin e Traumës dhe po bën ekzaminimet e nevojshme. Është jashtë rrezikut për jetën, grupi hetimor po punon. Ka qenë një konflikt i çastit. Të dy personat kanë qenë në lokal dhe një person ka qëlluar me armë. Mendojmë se kemi një emër të autorit, por po punojmë për zbardhjen e plotë të ngjarjes. Mendoj se kemi të bëjmë me motive të dobëta”, tha Jaupaj.
Ajo që mësohet është se 19-vjeçari ka qenë në tavolinë me një shok dhe ka pasur debat me një person, që ishte në tavolinë tjetër.
Debati më pas ka agravuar. Më tutje, janë nxjerrë armët, me të cilën është qëlluar 19-vjeçari.
