Balerina e famshme italiane,Carla Fracci, ka ndërruar jetë në moshën 84-vjeçare pas një beteje të gjatë me kancerin. Lajmi u konfirmua nga shtëpia e operës Teatro La Scala, shkolla e baletit ku Fracci studioi prej moshës 10 vjeçare para se të bëhej një nga yjet e saj më të mirë.
Ajo u bë e njohur për shfaqjet e saj si “Xhisiela” dhe “Liqeni i Mjellmave”. Që nga vitet 1980 ajo ka drejtuar korpusin e baletit të San Carlo, më pas të Verona Arena dhe më në fund të Operës së Romës.
Ajo ka interpretuar krah emrave të mëdhenj si Rudolf Nureyev, Vladimir Vasiliev, Henning Kronstam, Mikhail Baryshnikov, Amedeo Amodio dhe Paolo Bortoluzzi. Fracci ishte e martuar që nga viti 1964 me regjisorin Beppe Menegatti me të cilin ka një djalë.
