Ish-Kryeministri Sali Berisha u pyet mbrëmjen e sotme në emisionin PolitikON nëse Lulzim Basha duhej të jepte dorëheqjen nga posti i kreut të PD pas humbjes së zgjedhjeve.
Berisha tha se kjo pyetje nuk mund t’i bëhej një individi që kishte dhënë dorëheqjen pas humbjes.
“Dorëheqja është akt individual, por kjo pyetje s’mund të më bëhet mua që kam dhënë dorëheqje kur humba”, tha Berisha.
Ndërsa lidhur me garën për kreun e PD, Berisha nuk shprehu mbështetje për asnjë prej kandidatëve, por ftoi demokratët që të marrin pjesë dhe të votojnë.
