Tani është zyrtare, Antonio Conte nuk është më trajneri i Interit. Me anë të një postimi në faqen zyrtare, kampionët e Italisë kanë lajmëruar ndarjen me trajnerin leçez.
“Duam të konfirmojmë se kemi arritur akordin e përbashkët për ndërprerjen e bashkëpunimit me Conten. Klubi falënderon trajnerin për punën e jashtëzakonshme, që kulmoi me fitimin e titullit të 19-të.
Antonio Conte do të jetë gjithmonë pjesë e historisë së Interit“, lexohet në komunikatën e klubit zikaltër. Shkaku i largimit? Vendim i pronarëve për të ulur rrogat e shpenzimet.
Trajneri nuk ra dakord dhe të do të përfitojë 7.5 milion euro nga ndërprerja e bashkëpunimit me Interin, ekip që e riktheu te titulli pas 11 vitesh.
