Ish-Kryeministri Sali Berisha ka publikuar në rrjetin social një video, e cila përmbledh karrierën politike të Kryeministrit Edi Rama.
Në video përfshihen deklaratat e aleatëve politikë të Ramës ndër vite, përfshi edhe liderin historik të PS-së, Fatos Nano, dhe akuzat e tyre për korrupsion ndaj Ramës.
Nga Ilir Meta te Paskal Milo, që dikur shfaqeshin në krah të Ramës dhe e kanë mbështetur në garat për Kryebashkiak nga 2000 dhe në vijim, apo edhe në 2013 për të fituar mandatin e parë si Kryeministër, kreu socialist akuzohet për aferat korruptive.
Gjithashtu video përmbledh një nga momentet në komisionin hetimor parlamentar në vitin 2003, që hetoi kryebashkiakun e asaj kohe, Edi Rama.
Më poshtë mund të ndiqni momentet nga deklaratat e Ramës, sjellja e tij politike, shfaqjet me sopatë në rrugët e kryeqytetit dhe deri te akuzat e aleatëve apo shefave të tij politikë.
