Një 17-vjeçar nga Tirana ka humbur jetën paraditen djeshme, e martë 26 maj në spital.
Policia e Tiranës ka referuar rastin në prokurori për të zbuluar shkakun e vdekjes. Burime nga policia thanë se 17-vjeçari M. Kashta në datën 31 mars është rrëzuar nga biçikleta dhe ka pësuar dëmtime.
Familjarët e kanë çuar në spital ku u trajtua për 2 javë nga mjekët. Më pas, djali është dërguar në banesë ku sërish ka shfaqur shqetësime.
Ai është dërguar sërish në spital dhe të martën rreth orës 10, ka ndërruar jetë në spital.
