Policia e Kavajës ka arritur të arrestojë një 39-vjeçar, i dënuar me 1 vit burg, për veprën penale “Drejtimi i mjeteve në mënyrë të parregullt”.
Ndërkohë, kanë rënë në pranga edhe dy shtetas të tjerë, pasi u konstatuan duke shkelur rregullat e qarkullimit rrugor.
“Specialistët për Hetimin e Krimit në Komisariatin e Policisë Kavajë bënë ndalimin e shtetasit E. K., 39 vjeç, pasi Gjykata e Shkallës së Parë Kavajë, e ka dënuar me 1 vit burg dhe i kanë mbetur për të vuajtur dhe 3 muaj e 11 ditë burg, për veprën penale “Drejtimi i mjeteve në mënyrë të parregullt”; S. A., 20 vjeç, G. Q., 19 vjeç dhe A. S., 21 vjeç, pasi janë kapur duke drejtuar mjetet pa lejen përkatëse; D. K., 48 vjeç, pasi u kap duke drejtuar mjetin në gjendje të dehur në masën 0.76 mg/l”, njofton policia.
