Ambasadorja amerikane në Tiranë, Yuri Kim, ka reaguar përmes rrjeteve sociale, ndaj ngjarjes së rëndë, ku një vajzë e mitur, 15 vjeçare, është përdhunuar dhe shantazhuar nga të paktën 5 persona.
“Ne u bashkohemi aktivistëve dhe të tjerëve që flasin për të dënuar përdhunimin e fundit të një vajze të re. Përdhunimi është një vepër penale dhe shkelje serioze e të drejtave të njeriut.
Prioriteti tani: 1) shërbime sociale dhe shëndetësore për shërimin e plotë të vajzës, 2) drejtësia. Fundi i dhunës ndaj grave. JO do te thote JO # tinukjevetem”, thuhet në postimin e Yuri Kim.
Ngjarja e rëndë u zbulua pak ditë më parë, ndërsa një vajzë 15 vjeçare ishte abuzuar seksualisht, dhe shantazhohej nga 5 persona, mes të cilëve edhe një 17 vjeçar.
Policia arrestoi personat e akuzuar, ndërsa hetimet vijojnë.
