Policia e Vlorës ka vënë në pranga me qëllim ekstradimi drejt Italisë një 40-vjeçar të shpallur në kërkim ndërkombëtar për “Krime seksuale me të mitur” dhe “Kërcënim”.
Policia njoftoi se u vu në pranga E.D., 40 vjeç, banues në Vlorë, i cili ishte shpallur në kërkim ndërkombëtar nga Interpol Roma.
Gjykata e Lecce-s në Itali, me vendimin e datës 11.11.2019, i ka caktuar masën “Arrest në burg”, për veprat penale “Krime seksuale me të mitur” dhe “Kërcënim” parashikuar nga Kodi Penal italian.
Maksimumi i dënimit për këto vepra është 14 vjet burgim.
Interpol Tirana, në bashkëpunim me Interpol Romën, vijon procedurat për ekstradimin e tij drejt Italisë, njoftoi policia.
