Ana Lleshi, ishte sërish në studion e emisionit “Përputhen”, ku ka folur për këngën e saj të parë të titulluar “Deal”.
Kënga ka arritur mbi 900 mijë shikime në “YouTube”, por nuk mungojnë komentet e shumta dhe kritikat për zërin e Anës, por vajza e pranon se nuk është këngëtare dhe siç duket nuk e shqetësojnë zërat kritikë.
“Kisha qejf, nuk jam këngëtare dhe nuk pretendoj që njerëzit të thonë sa bukur këndon”, tha ajo. Por, sipas saj, ka ndodhur një gabim nga kompania diskografike, ku ka realizuar këngën.
Gjithsesi, ish-konkurrentja, befasoi kur tha se ka patur një gabim nga shtëpia diskografike. Por ndërsa Bora Zemani e pyeti se përsë nuk e fshiu këngën kur kuptoi gabimin, Ana tha se “nuk kishte kuptim”.
“Është një problem, që ka ndodhur nga ana e kompanisë ku unë punoj, është hedhur ‘demo’ dhe jo variant përfundimtar”.
Po pse nuk e fshiu këngën?- pyet Bora.
“Nuk kishte më kuptim, njerëzit e kishin dëgjuar, por do të rihidhet sërish”.
