Nga Boldnews.al
A e pi kryebashkiaku i Tiranës ujin nga rrubineti i çezmës? Një përgjigje që pa dashje e ka dhënë vetë Veliaj kur në emosion televiziv tha se sapo i shkruajti bashkëshortja që kur të mbërrinte në shtëpi merrte një koli ujë… Nuk i duhet qarë halli se i ka mundësitë ta blejë ujin e ambalazhuar, por problem është që pa na e shet shtrenj ujin e çezmës i cili nuk pihet. Kushdo që e konsumon ka probleme gastro dhe është një kandidat i mundshëm për të kapur shtretërit e spitalit infektiv.
Gjykata e Tiranës ka arritur në përfundimin se pas analizave të kryera në laboratorë privat, që mbajnë licensën e sigurisë dhe njihen për ekspertizë, uji i pijëshëm në Tiranë nuk mund të konsumohet pasi është i dëmshëm.
“Në zona të ndryshme të Tiranës, niveli i escherichia coli (bakter i dëmshëm për shëndetin) është më shumë se norma e lejuar sipas rregullores për ujin e pijshëm. E njëjta gjë ndodh dhe me nivelin e streptococci faecal, bakter i dëmshëm për shëndetin, ndërsa niveli i Klorit (kimikat) rezulton shpesh herë të jetë mbi 0.5 (norma maksimale e lejuar nga ligji)”-konstatohet në vendim.
Është pikërisht koha kur Erion Veliaj kishte miratuar në Këshillin Bashkiak me vota të blera dhe trafikuara vendimin për rritjen e çmimit të ujit të pijshëm deri në 60 për qind më shumë nga çfarë ishte më parë. Rriti çmimin për ujin e pijshëm që në fakt nuk pihet, është provë që e vuajnë në kurriz banorët e kryeqytetit. Detyrohen të blejnë ujë të ambalazhuar duke shtuar edhe më shumë kostot. Faturat e ujit të pijshëm në Tiranë janë të larta, por Lali Eri që edhe brenda bashkisë kryen dhjetëra tendera për blerje “uji të pijshëm” na shet gola dushku për “arrë Dibre”.
Nëse do i besohet propaganda e vetë Veliajt, uji duhet konsumuar, por provat janë më të forta se vetë “bija e gënjëshrës”, sepse “nëna e gënjështrës” është në kryeministri… Sot qytetarët kanë të drejtë që të detyrojnë Veliajn të konsumojë ujë nga çezma, duke përfshirë brenda edhe mikrobin e dëmshëm ‘istreptococci faecal’. Minimalisht Veliaj do përfundonte në spitalin infektiv me diare, të vjella, rënie të imunitetit, e ndoshta deri në humbje të përkohëshme kujtese…
E vetmja që do i kujtohej mirë do ishte ajo ditë kur bënte propagandë më një bidon ujë në duar, duke u mbushur mendjen qytetarëve se çimi do të rritej sa ai bidon që mbante aty. Shumë Rilindas ia kanë dhënë votën, por e sigurt është se shumë prej tyre nuk e besojnë propagandën dhe ai votues nuk i shuan etjen fëmijës së tij nga rrubineti i ndotur i ujit të bashkisë.
