Boiken Abazi, kandidati i pavarur në Tiranë në zgjedhjet e 25 Prillit, shprehet se KAS e KQZ hodhën poshtë kërkesën për të kryer ekspertizën e votave të pavlefshme në Qarkun Tiranë, pa asnjë arsyetim.
“Kujtojmë se për Qarkun Tiranë janë shpallur 18.422 vota të pavlefshme. Ekspertizën kaligrafike KAS/KQZ mund ta kishte bërë edhe përmes një përzgjedhjeje rastësore, apo duke analizuar 164 shembujt me fotografi që ne kemi dorëzuar si prova që dëshmojnë ndërhyrjen në fletët e votimit gjatë procesit të numërimit”, shkruan Abazi në një reagim në FB.
“Por KAS/KQZ, pa dhënë arsyetim, nuk e pa të arsyeshme këtë kërkesë për ekspertizë, edhe pse një ekspertizë e tillë është e drejtë që u njihet subjekteve politike me Kod Zgjedhor” shton ai.
