KAS vendosi rrëzimin e kërkesës ankimore të PD për shpalljen e pavlefshmërisë së zgjedhjeve në qarkun e Shkodrës.
Vendimi u mor me shumicë votash.
Më herët, Komisioni i Ankimimeve dhe Sanksioneve rrëzoi kërkesën e demokratëve për shpalljen e pavlefshëm të rezultatit zgjedhor në qarkun e Durrësit. Po ashtu, KAS nuk pranoi kërkesën e PD për të kërkuar 19 prova shtesë nga institucionet, që sipas demokratëve do të dëshmonin blerjen e votës nga socialistët në Tiranë.
Të njëjtin fat ka patur edhe ankimimi i kandidatit të Vetëvendosjes, Boiken Abazi, për të administruar kamerat në shkollën “Arben Broci” në kryeqytet.
Nga ana tjetër, KAS ka pranuar kërkesën e bërë nga LSI për rinumërimin e 108 kutive të votimit në qarkun e Durrësit.
