Miliona ndjekës panë finalen e Eurovision të shtunën, në të cilën Italia fitoi pas 31 vitesh.
Banda Maneskin, e udhëhequr nga këngëtari Damian David, u bë një atraksion botëror brenda natës dhe fotot e tyre duke pozuar me një trofe qelqi dhe duke pirë shampanjë vërshuan në media.
Të shumtë ishin ata që pyetën se me sa para do të shkonin në shtëpi Maneskin, por nuk ka asnjë çmim parash në Eurovision. Sipas faqes zyrtare të Eurovision, fituesi sjell në shtëpi një trofe qelqi dhe autorët e këngës marrin kopje më të vogla. Trofeu u krijua posaçërisht për këtë ngjarje në formën e një mikrofoni nga vitet pesëdhjetë.
Përveç kësaj, vendi nga i cili vjen fituesi merr nderin të organizojë Konkursin e ardhshëm të Këngës në Eurovision.
Metro Britanike shkruan se ideja e Eurovision është që fituesi të fitojë para me famën që fitoi në atë konkurs. Një shembull i një fitoreje të arkëtuar mirë në Eurovision janë Abbe dhe Celine Dion, të cilat u kthyen në diva të muzikës.
