Gazeta më e madhe sportive franceze “L’Equipe”, raporton se trajneri Zidane do takohet me presidentin Perez këtë javë, ku në përfundim do t’i thonë “mirupafshim” njeri-tjetrit.
Presidenti “los blancos” zakonisht e planifikon të ardhmen e Realit, duke mos menduar trajnerët dhe këtë me gjasa do ta bëjë sërish, duke e lejuar teknikun francez të largohet. Real Madrid këtë edicion dështoi të fitojë trofe, që ishte hera e parë që nga sezoni 2009/10.
Javën e kaluar, Zidane paralajmëroi largimin, duke thënë se Reali do bënte më mirë pa të. Ndërkohë që Juventus është skuadra që lidhet me së shumti me trajnerin francez, i cili ishte pjesë dhe ka bërë histori në radhët e bardhezinjve deri në vitin 2001.
Sidoqoftë, Juventus nuk mbetet opsioni i vetëm për trajnerin “los blancos”, duke marrë parasysh se Zinedin Zidane gjithashtu shihet si pasuesi i Didier Deschamps te kombëtarja e Francës.
