Prezantuesja 27-vjeçare e “Eurovzion” ka marrë një vëmendje të madhe në rrjete sociale pas finales. Ajo është Nikkie de Jager, e cila më 13 janar të vitit 2020, ka deklaruar se ka lindur burrë dhe se në moshën 19-vjeçare ajo përfundoi procesin e ndryshimit të gjinisë.
27-vjeçarja fillimisht është bërë e famshme duke postuar video në kanalin e saj në “Youtube”, si make-up artiste. E pikërisht kur fitoi popullaritet të madh, ajo vendosi që të fliste hapur për sekretin e saj, duke thënë se kishte kryer operacion për ndryshimin e gjinisë.
“Unë jam këtu sot për të ndarë diçka me ju që kam dashur të bëj për një kohë të gjatë, por me kushtet e mia. Dua ta filloj vitin me një të vërtetë të jetës sime që më bëri atë që jam. Kam lindur në një trup të gabuar. Që do të thotë se jam transgjinore.
Në shkollën fillore kam veshur rroba grash. Disa njerëz më pranuan dhe të tjerët më përqeshën. Ishte e vështirë për mua që ta tregoj publikisht”, tha rrëfente në atë kohë 27-vjeçarja.
