Të tjera detaje janë zbardhur nga grabitja në Lezhë, ku autorët dhunuan familjarët dhe grabitën banesën.
Mësohet se ngjarja ka ndodhur në orët e para të mëngjesit të sotëm në fshatin Spiten, ku u dhunua, kryefamiljari Gjergj Doçi dhe bashkëshortja e tij Vitore Doçi, 47-vjeçe. Ata ndodhen në spital aktualisht, në gjendje të mirë shëndetësore.
Mësohet se autorët të cilët janë ende të paidentifikuar kanë grabitur një sasi lekësh dhe 2 aparate celularë. Policia ka bërë me dije se në vendngjarje janë fiksuar prova materiale të lëna nga autorët, të cilat do të shërbejnë për zbardhjen e ngjarjes dhe identifikimin e kapjen e autorëve.
Gjithashtu burimet policpre bëjnë me dije se janë ngritur pika kontrolli në hyrje-dalje të qytetit dhe po vijon krehja e zonës, me qëllim kapjen e autorëve.
