Anëtarët e grupit italian Maneskin, që fituan ‘Eurovizion 2021’, do t’i nënshtrohen testit të drogës kur të mbërrijnë në vendin e tyre.
Shkak për këtë është bërë një video e qarkulluar, ku njëri nga anëtarët, Damiano, shihet teksa në një moment ul kokën në tavolinë, ndërsa mbi të kishte edhe birra. Megjithëse u pyet ai mohoi kategorikisht që përdor drogë, sipas televizionit publik RAI, vendosi t’i nënshtrohet testit.
Të katër artistët e bendit kanë rënë dakord të bëjnë testin dhe kërkojnë të mbyllet çështja njëherë e përgjithmonë.
