Përfundimi i zgjedhjeve, mandati i tretë dhe ngrohja e temperaturave, ka bërë që shumë prej politikanëve socialistë ti japin vetes disa ditë pushimi, pse jo dhe në bregdetin e jugut.
Kryetari i Bashkisë së Tiranës Erion Veliaj, së bashku me nënkryetarin Arbër Mazniku, dhe drejtorin e komunikimit në kryeministri Endri Fuga janë ndalur dje në Ksamil.
Të tre personat e mësipërm, kanë takuar mikun e ditëve të tyre në “Mjaft”, Eri Sulo, i cili tashmë mban postin e drejtorit të Parkut Kombëtar të Butrintit dhe kanë ndarë një foto së bashku në rrjetet sociale.
“Një ditë e bukur në Butrintin magjik me tre arkitektët e punëve të mira, Erion Veliaj, Arbjan Mazniku, Endri Fuga“, shprehet Eri Sulo në këtë postim.
Të katër ish-Mjaftistët, por edhe shumë të tjerë që janë katapultuar në postet drejtuese në institucione, duket se kanë marrë nën kontroll Partinë Socialiste, ndërsa socialistët e dikurshëm ndaj të cilëve dikur protestohej nga Veliaj me shokë, ose kanë dalë jashtë politikës, ose ndodhen në situata aspak komode brenda partisë së tyre.
