Genc Sejko, i njohur si njeriu i memeve, ka postuar në rrjetet sociale një foto nga një takim i ambasadores amerikane Yuri Kim me një nga grupimet anti-shqiptare, të drejtuar nga Nicholas Gage.
Sejko shkruan se ambasadorja Yuri Kim ka takuar në Washington një nga grupimet më anti shqiptare, të udhëhequr nga anti shqiptari më i madh, Nicholas Gage i shpallur non grata në Shqipëri nga qeveria shqiptare.
“Oficerët e bordit Panepirotik të Amerikës u takuan me Shkëlqesinë e saj Ambasadoren Yuri Kim, Ambasadore e SHBA në Shqipëri dhe diskutuan çështje të ndryshme në lidhje me grekët etnikë në Epirin të Veriut dhe të gjithë Shqipërisë.
Një nga temat e diskutuara ishte drafti i ligjit të ri të pronave në Shqipëri.
Federata Panepirotike e Amerikës beson se ndërsa ligji nuk është i përsosur, ai është një përmirësim i madh i rrëmujave ligjore që tani janë në fuqi. Ai u ofron të gjithë shqiptarëve, përfshirë grekët etnikë, shansin më të mirë për të fituar titullin e pronës së tyre në 30 vjet.
Në fakt, ligji u hartua me këshillat e ekspertëve ligjorë amerikanë përfshirë Simos Dimas, familja e të cilit vjen nga Himara, pas konsultimit me udhëheqësit grekë në Shqipëri përfshirë Himarën si dhe Shoqërinë Himara të Amerikës”, shkruan Sejko, duke postuar edhe foton e mëposhtme.
