Identifikohet viktima e gjetur mëngjesin e sotëm në Elbasan, me shenja dhune. Sipas policisë lokale, ai është Ramadan Kupi, 67 vjeç, ndërsa duket se ngjarja që tronditi qytetin ka marrë një tjetër rrjedhë.
Ndërsa fillimisht u raportua për një vrasje të mundshme, nga të dhënat e fundit, dyshohet se 67-vjeçari ka kryer vetëvrasje.
Ai ka prerë damarët dhe më pas është hedhur nga lartësia, kati i 4-rt i apartamentit ku banonte.
Kjo dinamikë e re, përjashton mundësinë që viktima të jetë vrarë nga ndonjë tjetër person.
“Në vijim të informacionit paraprak të dhënë për një person të gjetur pa shenja jete në anë të rrugës në lagjen “Vullnetari”, Elbasan, ju informojmë se:
Nga veprimet hetimore të kryera nga grupi hetimor nën drejtimin e Prokurorisë së Rrethit Gjyqësor Elbasan rezulton se trupi i pajetë i përket shtetasit R.K., 69 vjeç, banues në Elbasan.
Nga kqyrja e turpit dhe e banesës rezultoi se ky shtetas jetonte i vetëm në banesë dhe dyshohet se ka prerë damarët e duarve me mjet të mprehtë (thikë) dhe më pas është vetëhedhur nga kati i 4 i pallatit ku banonte. Grupi hetimor vijon punën për sqarimin e plotë të rrethanave të ngjarjes”, njofton policia.
