Një tragjedi e vërtetë ka ndodhur në periferi të Torinos, në Itali, ku kanë humbur jetën nëntë persona.
Shkak u bë shkëputja e një kabine teleferiku në një zonë të pyllëzuar.
Në momentin e rënies, teleferiku ishte në lartësinë e 1 mijë e 491 metrash. Krahas viktimave, edhe dy fëmijë ndodhen në gjendje të rëndë në spital.
Një helikopter mbërriti menjëherë në zonë dhe dërgoi dy fëmijët e plagosur në spitalin e Torinos.
Sipas mediave italiane, aksidenti dyshohet të ketë ndodhur për shkak të këputjes së një kavoje.
Teleferiku ishte hapur në datën 24 prill të këtij viti, pas mbylljes si pasojë e koronavirusit.
