Detaje të reja nga vrasja e 38-vjeçarit Delon Troqe ditën e djeshme pranë pallatit të sportit “Flamurtari”, në lagjen Pavarësia.
Burimet e policisë së Vlorës konfirmojnë se një automjet i llojit Audi A4, duke patur informacione për mbi vendndodhjen e viktimës, ka shkuar pranë servisit të tij dhe dy persona të maskuar kanë dalë nga makina dhe kanë filluar ta godasin me breshëri kallashnikovi, të dy njëkohësisht.
Autorët mendohet të jenë dy ose më shumë. Autorë të maskuar të cilët dalin nga mjeti Audi A4, godasin me breshëri kallashnikovi, dy herë me ndalesa dhe largohen më vonë me shpejtësi nga vendngjarja.
Mendohet të jetë goditur më tepër se 15 herë ku 4 plumba e kanë kapur në trup e gjoks ndërsa një në kokë që ka qënë fatal për jetën.
Policia e Vlorës ka pyetur deri tani mbi 20 persona mbi ngjarjen. Ka patur persona të mbajtur për orë të tërë në komisariat, por që s’kanë lidhje me ngjarjen. Personat kanë qënë dëshmimtarë okular, punonjës dhe pronarë biznesesh aty pranë si dhe familjarë të viktimës.
Pista kryesore mbetet larja e hesapeve, por edhe konfliktet mbi aktivitetin e mundshëm kriminal të trafikut të drogës në shtetin e Spanjës.
Viktima edhe në qytet shpesh herë ka patur konflikte me te tjerë persona, ku madje ka përfunduar në komisariat pasi është qëlluar me armë. Blutë e Vlorës shprehen se ka qënë disa herë i proceduar për konflikte banale, rasti i fundit në mars të këtij viti ku është goditur me sende të forta me disa shtetas te tjerë pranë banesës dhe servisit ku punononte.
Një automjet i djegur llojit Audi A4 gjendur në fshatin Sherisht i shkrumbuar, makinë me targa të vjedhura, mendhet se ka lidhje me ngjarjen. Personat mendohen të jenë larguar nga servisi i makinës, në drejtim të spitalit të Vlorës dhe më pas në Fshatin Babicë duke perfunduar disa kiometra më tutje për në Shërisht ku edhe kanë humbur gjurmët.
Policia ka sekuestruar kamerat e sigurisë, ka ngritur postobllok policor në disa vende, ka krehur edhe zonën pa mundur të kapi autorët.
