Sali Berisha dhe familja e tij u shpallën 3 ditë më parë “non grata” nga SHBA-të. Kjo do të thotë se gjithë familjes Berisha i ndalohet hyrja në Shtetet e Bashkuara të Amerikës, por në këtë vendim nuk përfshihet partnerja e Shkëlzen Berishës, Armina Mevlani.
Armina ka qëndruar në heshtje në lidhje me këtë vendim, duke mos bërë asnjë lloj reagimi.
Së fundmi blogerja e njohur vendosi të bënte një mini-intervistë me ndjekësit e saj në rubrikën “Ask me a question” në Instagram.
“Më vjen keq për lajmet e fundit mbi familjen dhe të themi, sepse jam e sigurt që as ti nuk ndihesh mirë”, i ka shkruar një ndjekës blogeres.
Armina e cilëson këtë vendim si politik, por shton se asaj i intereson vetëm shëndeti i njerëzve të dashur dhe asgjë tjetër.
“Tashmë kam mësuar që për arsye politike çdo gjë mund të ndodhë, edhe pse vetë nuk jam pjesë e saj. Por ajo që më intereson është vetëm shëndeti im dhe i njerëzve të dashur (për këtë lutem çdo natë pas periudhës së vështirë të coronës). Gjithçka tjetër rregullohet dhe kalon”, shkruan Armina Mevlani.
