Rusia nuk ka humbur kohë për t’iu kundërpërgjigjur stërvitjes së NATO-S në Ballkan dhe ka nisur kështu stërvitjen ushtarake me Serbinë, të njësive speciale të forcave të armatosura Serbe dhe atyre Ruse, e quajtur përgjigja e përbashkët 2021.
Njoftimi për nisjen e kësaj stërvitje e dha Ministria Serbe e Mbrojtjes, e cila njoftoi se qëllimi i stërvitjes ishte trajnimi i njësive dhe strukturave komanduese, shkëmbimi i përvojës dhe përcjellja e njohurive dhe aftësive në luftën bashkëkohore kundër terrorizmit.
Ministria e Mbrojtjes Ruse gjithashtu deklaroi se një ushtri e përbashkët kundër terrorizmit ushtarëve serbë dhe rusë kishte nisur në Serbi.
Deklarata thotë se njësitë speciale ushtarake po marrin pjesë në stërvitjen, e cila do të zgjasë deri më 25 Maj. Në të njëjtën kohë në Ballkan është duke u zhvilluar stërvitja ushtarake ‘Defender Europe 2021’, e cila mbahet nga maji deri në muajin qershor, pjesërisht në Ballkan me pjesëmarrjen e 28 mijë trupave nga 26 vende.
Pjesa kryesore e stërvitjes, në të cilën marrin pjesë pak më shumë se 4 mijë trupa amerikane quhet reagimi i shpejt 2021 dhe po zhvillohet në territoret e Bosnjës dhe Hercegovinës, Sllovenisë, Kroacisë, Greqisë, Maqedonisë së Veriut dhe Shqipërisë.
