Policia ka njoftuar se janë arrestuar 2 prej autorëve të dyshuar të plagosjes së 33-vjeçarit në fshatin Poshnje në Berat, pasditen e djeshme. Ata janë Adriatik Shabanaj, 35 vjeç, banues në fshatin Kurjan, Rroskovec dhe Aurel Filaj 32 vjeç, banues në fshatin Otllak, Berat.
Gjithashtu janë shpallur në kërkim dhe 4 shtetas të tjerë, të dyshuar si bashkëautorë.
Po punohet për dokumentimin e plotë të ngjarjes dhe për kapjen e shtetasve të shpallur në kërkim, njoftoi policia, ndërsa materialet i kaluan Prokurorisë pranë Gjykatës së Shkallës së Parë Berat, për veprën penale “Vrasje me dashje”, mbetur në tentativë, kryer në bashkëpunim.
Lexo edhe:
